Organisaasjes binne it net iens mei besunigings taal en kultuer: "Unakseptabel en net nedich"

De wittenskiplike ûndersiken fan de Fryske Akademy rinne ek gefaar, seit ûndersiker en projektmanager Jelske Dijkstra. Se begrypt de besunigings net, omdat se foldogge oan de betingsten yn de taalnota fan fitale taal.

Yn stee fan strukturele subsydzje, soe it ûnderdiel Mercator Europeesk Kennissintrum foar Meartaligens en Taallearen fan de Akademy ynsidinteel jild krije en dat wurket net. "Meiwurkers kin je dan mar koarte kontrakten jaan en wy dogge in soad Europeeske projekten fan twa, trije jier. Ik fyn it ferskriklik, want dit hat in grutte ympakt op it hiele Fryske taalfjild."