Unike fynst by Wytmarsum: 'pommelkap' bringt Fikingtiid ta libben

It giet om in saneamde 'pommelkap' út de tsiende iuw. Dat is in stik fan it hânfet fan in swurd, bedoeld foar fersiering. It ding is fan koper en wie eartiids fergulde. It is foar it earst yn Nederlân dat sa'n stik fûn is.
"It fersterket ús begryp fan de kontakten tusken Frisia en de Fikingwrâld yn Scandinavië en de Britske eilannen", seit Nelleke IJssennagger-van der Pluijm, direkteur fan de Fryske Akademy.