La lenghe furlane tal sisteme educatîf talian (2de edizion)

Charlie Robinson-Jones (Redacteur), Jan Ybema (Redacteur), Katharina Thomas (Redacteur), Ada Bier*, Gabriele Zanello, Antonella Ottogalli, Serena Fogolini (Vertaler)

*Bijbehorende auteur voor dit werk

Onderzoeksoutput: Boek/RapportRapportProfessioneel

11 Downloads (Pure)

Samenvatting

Il furlan e il so status tal sisteme educatîf talian
Il Stât talian al à fate buine e metude in vore une Leç (482/1999) pe protezion des variis minorancis linguistichis storichis che a son presintis tal so teritori, includude la minorance furlane. Ancje se e evidenzie in mût clâr che il talian al è la lenghe uficiâl de Republiche taliane, la Leç e previôt, jenfri altris disposizions, che lis lenghis minoritariis a vegnin insegnadis a scuele. A partî di cheste Leç dal Stât, la Regjon Autonome Friûl Vignesie Julie e à fate buine une Leç Regjonâl (29/2007) che e regole la presince dal furlan te educazion. Daspò di un iter legjislatîf dificil, che al à viodût il Guvier statâl oponisi cun fuarce ae introduzion dal furlan come ufierte educative di default, cheste Leç Regjonâl e previôt che la lenghe e sedi insegnade come materie opzionâl par no mancul di 30 oris ad an tes scuelis de infanzie, primariis e secondariis di prin grât tal teritori furlanofon (teritori che al corispuint in mût avonde fedêl aes ex-provinciis di Udin, Pordenon e Gurize). Sul cont de frecuence dal furlan a scuele, la situazion no je vualive, stant che a esistin diferencis impuartantis sedi jenfri i nivei educatîfs sedi jenfri lis provinciis. Là che tes scuelis de infanzie de aree di Udin la percentuâl di arlêfs e arlevis che a frecuentin il furlan e je parsore dal 80%, il dât si sbasse sot dal 20% tes primariis de ex-provincie di Pordenon e e cole a zero tes secondariis di prin grât dal teritori di Gurize.

Il furlan te ricercje educative
La ricercje sul ûs dal furlan te educazion e tacà te seconde metât dai agns Setante dal Nûfcent. Di li indenant e je stade continuade de Universitât dal Friûl, che e je la principâl e la uniche universitât tal teritori furlanofon, ma ancje di bande di altris entitâts tant che, par esempli, la Societât Filologjiche Furlane. Ancje se tal 2016 si ve un disvilup rimarchevul, o sei, l’inviament di un curriculum di pueste pe formazion iniziâl dai docents di furlan tal ambit de Lauree Magjistrâl in Siencis de Formazion Primarie li de Universitât dal Friûl, il furlan al à une presince scjarse te universitât. Fale chest curriculum e pôcs altris cors in linguistiche, filologjie e leterature – che par solit no àn tantis iscrizions, l’insegnament dal furlan o il so ûs tant che lenghe di istruzion nol è previodût in nissun altri program di studi universitari.

Prospetivis pal furlan in Italie
In dì di vuê la situazion dal furlan tes scuelis no fâs pensâ a un biel avignî. Si à di esercitâ volontât politiche e impegnâsi in maniere plui concrete par fâ in mût che lis scuelis dal teritori furlanofon a metin in vore la lôr autonomie e i garantissin al furlan un puest plui stabil te ufierte educative. Chest cambiament al permetarès di invertî la tindince atuâl, che e viôt cetancj centris tes ex-provinciis di Udin, Pordenon e Gurize no ufrî il furlan ai lôr arlêfs e arlevis. L’impegn di bande dal Guvier Regjonâl de Regjon Autonome Friûl Vignesie Julie – e dai Guviers di chês altris Regjons indulà che si cjatin lis minorancis linguistichis – a pretindi che il Stât centrâl al puarti insom il procès di ratifiche de Cjarte Europeane pes Lenghis Regjonâls o Minoritariis al sarès un pas une vore impuartant viers di une miôr protezion dal furlan e de sô sorevivence tal avignî.
Vertaalde titel van de bijdrageThe Friulian language in education in Italy (2nd ed.)
Originele taal-2Niet gedefinieerd
Plaats van productieLjouwert/Leeuwarden
UitgeverijMercator European Research Centre on Multilingualism and Language Learning
Aantal pagina's92
Uitgave2nd
StatusGepubliceerd - apr. 2024
EvenementMultilinguismo e lingue minoritarie / regionali nei contesti educativi in Europa: i casi del frisone e del friulano (Multilingualism and minority/regional languages in educational contexts in Europe: the cases of Frisian and Friulian) - University of Bologna, Bologna, Italië
Duur: 18 okt. 202418 okt. 2024
https://lingue.unibo.it/it/eventi/multilinguismo-e-lingue-minoritarie-regionali-nei-contesti-educativi-in-europa-i-casi-del-frisone-e-del-friulano

Publicatie series

NaamRegional Dossier series
UitgeverijMercator European Research Centre on Multilingualism and Language Learning
ISSN van geprinte versie1570-1239
ISSN van elektronische versie3050-5232

Citeer dit